Congress party chanchinbu, Congress Thlifim thu chhuah chungchangah MPCC Vice President, Pu R. Lalzirliana'n Synod hnenah ngaihdam a dil.

Pu R. Lalzirliana hian 22 July 2015 khan a pisa-ah Synod Puipate chu lengah sawmin tunlai boruak a sawipui a, MPCC Media department enkawl, Congress Thlifim chanchinbu in Pastor te chungchanga questionaire a buatsaih chu an party duh dana chhuah ni lo in, tute emaw thahnem ngaite thil tih niin a sawi a, tun hnu ah khatiang thil kha a thlen tawh loh a beisei rualin, Kohhran mipui leh Pastor te rilru an tihnat avangin ngaihdam a dil a ni.

Pu R. Lalzirliana chuan, Pastor te chu sorkar tana thahnem ngai taka tawngtai turin a ngen a, kawng dik an zawh theih nana finchhuah turin a ngen bawk.

Pu R. Lalzirliana chuan, tunah hian sorkar leh Kohhran chu inep angin mi tam takin an ngai mahse, sorkar-in Kohhran a ep lo niin a sawi a, zu zawrh chungchanga Kohhran an rawn loh tur thu a sawi pawh kha, Kohhran chuan zu zawrh a duh dawn lo tih chu thil chiang sa a nih avangin rawn buai loh mai ni se an tihna a nih thu sawiin, ngaih loh lama ngai lo turin a ngen a ni.

Synod hruaitute pawhin Kohhran in sorkar a ep lo a, sorkar leh Kohhran chu kawng tam taka kal dun a, thawk dun tur an ni tih Home Minister chu an hrilh a, zu zawrh chungchangah erawh chuan Kohhran in a rilru a sawi tawh tih sawiin, Kohhran chu a dinna ngaiah a ding reng dawn tih an hrilh bawk. Home Minister hi Higher & Technical Education Minister, Pu R. Romawia, Finance Minister, Pu Lalsawta, Forests Minister, Pu Lalrinmawia Ralte leh Parliamentary Secretary, Lt. Col. ZS Zuala-te'n an tawiawm a, Synod Puipate hi Moderator, Rev. Lalrinmawia'n a ho a, Puipate an kal kim a ni.

Original posted by zoblog.waphall.com
@2015-07-24 13:39 ( 0 comments )